TULASI BIBAH / ତୁଳସୀ ବିବାହ
୨୪-୧୧-୨୦୨୩/ଶୁକ୍ରବାର
ତୁଳସୀ ବିବାହ
ତୁଳସୀ ବିବାହ ଦିନ ପ୍ରଭୁ ଶାଳଗ୍ରାମ ଓ ତୁଳସୀଙ୍କ ବିବାହ କରାଇବା ଦ୍ୱାରା ବୈବାହିକ ସମସ୍ୟା ର ସମାଧାନ ହୋଇଥାଏ,
ତା ଛଡ଼ା ବିବାହ ରେ ବିଳମ୍ବ ହେଉଥିବା ଜାତକ ର ମଧ୍ୟ ଶୀଘ୍ର ବିବାହ ଯୋଗ ଆସିଥାଏ । ପୌରାଣିକ କଥା ଅନୁସାରେ ଏହିଦିନ ବିଧି ପୂର୍ବକ ତୁଳସୀ ବିବାହ କରାଇବା ଦ୍ୱାରା କନ୍ୟା ଦାନ ସମ ପୁଣ୍ୟ ମଧ୍ୟ ମିଳିଥାଏ ।
ବ୨୦୨୩ର୍ଷ ର ସମୟ :
ହିନ୍ଦୁ ଧର୍ମରେ ତୁଳସୀ ବିବାହ ପାଳନ ର ମହତ୍ୱ ବହୁତ ରହିଛି ।
ଚଳିତ ୨୦୨୩ବର୍ଷ ଏହା ୨୪ ନଭେମ୍ବର ଶୁକ୍ରବାରରେ ପଡୁଅଛି । ଏହିଦିନ ଦେବୀ ତୁଳସୀ ଏବଂ ଭଗବାନ ବିଷ୍ଣୁଙ୍କ ବିଗ୍ରହ ସ୍ୱରୂପ ଶାଳଗ୍ରାମଙ୍କ ନିୟମ ପୂର୍ବକ ବିବାହ କରାଇବାର ମାନ୍ୟତା ଅଛି ।
ତୁଳସୀ ବିବାହ ପାଇଁ ପୂଜା ସାମଗ୍ରୀ ।
ତୁଳସୀ ବିବାହ ପାଇଁ ତୁଳସୀ ଗଛ ବା ବୃନ୍ଦାବତୀ ଙ୍କ ମୂଳରେ
ପୂର୍ଣ୍ଣ କୁମ୍ଭ, ଶାଳଗ୍ରାମ, କାଠ ଚାଉକି/ପିଢ଼ା, ଆଖୁ, ମୂଳା, ଅଁଳା, ବେଲ, କନ୍ଦ, ଝୁଣା, ନାଲି ଛିଟ କନା ଆଦି ର ଆବଶ୍ୟକତା ରହିଥାଏ ।
ଉପାଦାନଗୁଡିକ ସଂଗ୍ରହ କରନ୍ତୁ ଏବଂ ପୂଜା ଆରମ୍ଭ କରନ୍ତୁ ।
ସଂକଳ୍ପ ଓ ପୂଜାବିଧି :
ଶାଳଗ୍ରାମ ଙ୍କୁ ସଜ ପାଣି, ଅଗରୁ ଚନ୍ଦନ ଓ ଗଙ୍ଗା ଜଳ ମିଶା ଜଳରେ ଗାଧେଇକି ଛିଟକନା ଓ ଚନ୍ଦନ ଦେଇ ଓଁ ନମଃ ବାସୁଦେବାୟ କହି ପ୍ରଭୁ ଚନ୍ଦନ ସମର୍ପଣ କରୁଛି ବୋଲି ମନ ରେ କହିବେ ।
ସେମିତି ପାଖରେ ଥିବା ତୁଳସୀ ଗଛ ରେ ମଧ୍ୟ ସେଇ ଗଙ୍ଗାଜଳ ମିଶା ଜଳ ଛିଞ୍ଚି ମୂଳରେ ପାଣି ଦେଇ ଛିଟକନା ଗୁଡେଇ ଚନ୍ଦନ ଆଉ ସିନ୍ଦୁର ଲଗାଇ ଦେବେ ।
ତାପରେ ଉଭୟଙ୍କୁ ଲଗାଇ ଏକ ହଳଦିଆ ବ୍ରତ/ ଛିଟକନା କିମ୍ବା ପଇତା ସୁତା ରଖିବେ । ପାଖରେ ଆଖୁ, ମୂଳା, ଅଁଳା, ବେଲ, କନ୍ଦ ଥୋଇବେ।
କିଛି ଅରୁଆ ଦୁବ ବରକୋଳି ପତ୍ର ରେ ହୁଳହୁଳି ଦେଇ ଉଭାୟଙ୍କୁ ବନ୍ଦେଇଦେବେ । ମନରେ ଶ୍ରଦ୍ଧା ଓ ଭକ୍ତି ସହ ପ୍ରଭୁଙ୍କ ପାଖରେ ଶୁଭକାମନା ପ୍ରାର୍ଥନା କରିବେ ଓ
ତା ପରେ ଧୂପ, ଝୁଣା ଓ ଦୀପ ରେ ପୁନଃ ବନ୍ଦେଇ ଭୋଗ(ଉଖୁଡା, ଫଳ କିମ୍ବା ଅରୁଆ ଅର୍ଣ୍ଣ ) ଲଗେଇଦେବେ ।
"ଓଁ ଶ୍ରୀଂ ନମଃ ବାସୁଦେବାୟ" ମନ୍ତ୍ର ର ଯଥା ସମ୍ଭବ ଜପ କରି ସେହି ଭୋଗ ନିଜେ କିମ୍ୱା କେବଳ ଘରଲୋକଙ୍କ ସହ ପାଇବେ ।
Comments
Post a Comment